1. O be kwaʼ ye mo we ?

O bo djouʼgne bi ya si ?

You si be mo ye o gamté a;

É be you fo, o pe faʼ bii.

Ke laʼ gre msi mebue,

Ke pe gamte msi mebue.

Be tum tsu te gô laʼ pe sôm tchum pe

Dendeng ne sôm mo yap pe.

2. O be kwaʼ ye mo we ?

O bo djouʼgne bi ya si ?

Mouʼ be si nyenyô mouʼ pe shwanwe,

A tcheng ge o tchi you ne pou.

O gô faʼ mbi Kasa,

Ping yap goung tum tsu wè né;

Ke o gô pe youʼgne daʼ bi Si o,

Si gwye, Si mkaʼgne nyenyô ?

3. Ye Si be Jéova,

Ge gô laʼ pe goung mtchwe awè

Pe tchente faʼ bii poua tum tse awè.

A be ge ha vôk tse bii wè.

Ge gô pe youʼgne bii,

Tchente koung é neng faʼ bii.

A bé lé pfye mtchye Mou é ye tuôdeng,

Ne gre ye ywe ne djo tse.