1. Hvønn harra hevur tú?

Hvønn valdi tú tær til gud?

Tí harra og gud tín aktar tú,

hann valdar tínum lívi nú.

Og kemur tær til hugs

at dyrka og akta tveir,

um fegin tú vil, so ber ikki til,

tí annan virðir tú meir.

2. Hvønn harra hevur tú?

Hvønn valdi tú tær til gud?

Bert ein Gud er til, sum eigur tign,

hví trúgva søgnum, virða lygn?

Fær verðin trúskap tín

og loyvi at eiga teg?

Far heldur til hann, ið beina teg kann

á lívsins æviga veg.

3. Hvønn harra havi eg?

Eg hoyri Jehova til.

Mín faðir í himli eigur meg,

og honum eina tæni eg.

Hann keypti meg so dýrt,

og honum eg verði hjá.

Mín Gud er mítt alt, hann havi eg valt,

Jehova líti eg á.