1. Koj lub siab npuab tus twg?

Tus twg yuav yog koj tus tswv?

Tus tswv ntawd yog tus koj niaj hnub pe.

Koj yuav thov yuav hu nws tsis tseg.

Tsis txhob pe ntau tus tswv.

Koj lub siab yuav npuab tus twg?

Koj xaiv tus tswv twg los ywj koj siab ntsws,

Seb koj yuav tos txais tus twg.

2. Koj lub siab npuab tus twg?

Tus twg yuav yog koj tus tswv?

Muaj ib tug thiaj tseem, lwm cov yog cuav,

Xaiv tus twg nyob ntawm koj siab qhuas.

Neeg ntiajteb cov nom tswv,

Txeeb puas tau koj lub siab ntsws?

Los yog koj yuav tig ntsej mloog Vajtswv qhia,

Xyaum raws li nws lub siab nyiam.

3. Koj lub siab npuab tus twg?

Kuv pe hawm Yehauvas xwb.

Kuv tsuas xaiv Leej Txiv nyob saum ceeb tsheej.

Kuv yeej yuav teev Vajtswv tib leeg.

Nws txhiv kuv kim kawg li.

Kuv yuav nrog nraim nws ib txhis.

Kuv yuav hwm nws lub npe tas kuv sim neej,

Yuav niaj hnub pe nws tib leeg.