1. Lianngan Jehovah, na sinah thla kan cam,

Nangmah kha kan in lawmh, kan in thangṭhat.

Lungthin dihlak bochannak he kan in biak,

Na dawt-zohkhenhnak tangah um kan duh.

Nifa kan palhnak nih kan tlinlo langhter;

Kan sualnak ngaihthiamnak caah kan kawl.

Tlanhnak man in na kan khamh ca’h kan i lawm.

Kan derthawmnak na hngalh ca’h kan i lawm.

2. Na dawt-zaangfahnak ruangah kan i lawm tuk,

Na hawi kan si khawh caah kan i lawm.

Nangmah hngalh awk, na rian ṭuan awk kan cawnpiak.

Zumhtlak le a hmaanmi lam kan hmuhsak.

Na thiang thlarau ṭhawnnak caah kan i lawm.

Ralṭhatnak na kan pek ca’h kan i lawm.

Na rian ah toidornak le nuamhnak kan pe.

Mithmai ṭha kan hmuh caah kan i lawm.