1. Dios nga Jehova, amon ka dayawon.

Sa pangamuyo ihambal namon.

Amon ikaw alagaron sing bug-os,

Kay mapinalanggaon ka nga Dios.

Adlaw-adlaw may sayop nga mahimo,

Luyag namon nga patawaron mo.

Salamat gid sa paggawad sa amon.

Nahangpan mo kahimtangan namon.

2. O Dios salamat sa imo kaayo,

Sa bulig nga magsuod sa imo.

Sa pag-alagad imo gid buligan,

Nga ang katutom amon mahuptan.

Imo kusog nagabulig sa amon,

Gani makahambal sing malig-on.

Amon kalipay ikaw alagaran,

Kay mahagop imo kahamut-an.