1. Apo Jehova, O naindaklanka,

Kararagmi ’yadanimi kenka.

Naimpusuan itdenmi kenkat’ biagmi

Ta ammomi a natalgedkami.

Nakapuy ken managbasolkam, Apo;

Dawatenmi ti pammakawanmo.

Pagyamananmit’ subbot nga intedmo.

Pagyamananmit’ kinaanusmo.

2. Agyamankam iti kinaimbagmo.

Yamanenmit’ pannakigayyemmo.

Apo, kayatdaka a maam-ammo.

Isurom kadakamit’ dalanmo.

Espiritum ket pagyamyamananmi

Ta daytat’ gubuayan ti turedmi.

Maragragsakankami nga agserbi

Ta nagadut’ pagyamyamananmi.