1. Jyobaa Dios miyë tyam mijts nmënuˈkxtäˈäktë

parë ngukäjpxëdë ko mijts oyjyaˈay.

Mijtsëts xykyuentˈäjttëp ets myajkypyë käˈäy ukën,

pääty ndukˈijxpajttëp Jyobaa winë xëëw.

Wäˈäts mijts xynyijawë kots xëmë ndëgoytyë,

päätyëts xypyokymyaˈkxtë tuˈuk tuˈugë xëëw nyaxy.

Nan dyoskujuyëm ko xyyakyë jukyˈäjtën,

ets nanduˈun kots xypyaˈˈayowdë Jyobaa.

2. Mijts jantsy oyjyaˈay, pääty yam nmoˈoytyë dyoskuyëm,

amumduˈukjot nmënuˈkxtäˈäktë Jyobaa.

Mijts xytyukniˈˈijxëdëp ja nëˈë tuˈu oybyë

parë nmëdundët Jyobaa winë jot.

Xëmë ngukäjpxëdë kots xymyëjääwmoˈoytyë

ets kots xypyudëkëdë ndundët ja mduunk.

Nan dyoskujuyëm Jyobaa ko nDiosˈattë

ets kots mbäät ndundë ja mduunk winë xëëw.