1. Тауштена ме тылат, Иегова,

Шӱм гычын лекше шомакым ойлен.

Шке калыкетлан ыштет тый суапым —

Ме ончылнет илена куанен.

Йоҥылыш ме ыштена сулык верчын,

Чӱчкыдын тыйым, Ачай, ойгатен.

Негызым тый ыштенат проститлашлан,

Пеш кугу акым мемнан верч тӱлен.

2. Чын корно дене кошташ туныктет тый.

Порылыкет ден мемнам шӱмаҥдет.

Полшо, Ачай, умылаш тыйым сайын,

Чын да ӱшанле лияш тыланет.

Тау, пуэт мыланна шке виетым —

Ме шомакетым лӱдде ойлена.

Ӱҥышӧ-влаклан пуэт уло мландым,

Тыйым, Ачай, курымеш моктена!