CÁNTICO 43
Jehová Diosta agradicingapaj mañapashunchi
(Salmo 95:2)
-
1. Ñucanchi juyashca Taita Jehová Dios
candami ninanda mañapanchi.
Canmi micunagutapash carashpa,
juyashpa siempre cuidajushcangui.
Imagupi pandarijpipash canmi
tucui shunguhuan perdonashcangui.
Ninanda llaquij Taita Diosmi cangui.
Chaimi candaca pagui nipanchi.
-
2. Jehová Dioslla candami juyapanchi,
tucui shungumi⁀agradicipanchi.
Canmi aliguta yachachijungui,
imapipash siempre ayudangui.
Canba espíritu santotapashmi
carashpa siempre ayudashcangui.
Canba Testigocunami capanchi.
Chaimandami agradicipanchi.
(Caitapash liipangui Sal. 65:2, 4, 11; Filip. 4:6).