NDZIMO 43
Nombelo nya gubonge
(Ndzimo 95:2)
-
1. Pfhumu, Jehovha, ho gombeya gwago,
Hi gu bonga ni gu zundza uwe.
Ho tumba uwe, hi na gu thumeya.
Ha gu vbanya khu wuhindzi wago.
Hi sighohi hi ngu dziti Jehovha,
Hi ngu lomba u hi divaleya.
Hi ngu bonga khu muphaso wa Jesu.
Hi ngu bonga khu gu hi pwisisa.
-
2. Jehovha hi ngu bonga khu lithomo
Nya gu gire wupari ni uwe.
Hi phase gu guti, hi gu thumeya.
Hi hevbudze gu engisa uwe.
Hi ngu bonga khu liphuvbo nyo age
Li hi phasago gu tshumayela.
Hi phase gu dzi nogisa Jehovha.
Hi ngu bonga khu wuhindzi wago.
(Wona Ndzi. 65:2, 4, 11; Filp. 4:6.)