KWI 44
Leʼde metoʼ mèn
-
1. Ô Yaweh Nsi, me tshwèt ntsiañ o mbèttʼo:
“Juʼ yàm leʼde.”
Tshàm mvañ ghaʼ mbu mbèn nta netshwin;
neket yàm lèt keʼ fiag.
Nywinde gwù ntse, nenywin seʼ ntshùb àm
mbèn ngù mbe me bot
Nsi kondèn netshoʼ seʼ ndôdʼàm;
Me tshwèt ndiag mbotni mu.
(DÙʼ NEBWÔGDE)
Bùʼ àm nte tù; fà fènntù me.
Magde tsho àm, tshùb yàm nywinde.
Ntùm ngelañ bot, me kuaʼ ndôdʼo
Ô Yaweh Nsi, so kù num àm.
-
2. Ngelañ ze me bot là,
Ntshob mu bʼa ndàlem mbèn ntagdʼàm,
Nke ntshob nkwade tsʼa mà ntùm ntùʼàm
bo zenu zʼa tshùa yàm.
Netshoʼ kulʼàm bo bamntù zʼa tshwèt
ntum ntùm Ntshob mu Tà.
Ywimdʼàm njoñ léʼ nelèn mbèn mbam
mbe yu nkôni tshùa ntùʼàm.
(DÙʼ NEBWÔGDE)
Bùʼ àm nte tù; fà fènntù me.
Magde tsho àm, tshùb yàm nywinde.
Ntùm ngelañ bot, me kuaʼ ndôdʼo
Ô Yaweh Nsi, so kù num àm.
(Mbèn ndôde Yobk. 42:6; 119:28; Rom. 8:26; 2 Korin. 4:16; 1 Yoha. 3:20.)
