ˈˈTAN 44
˗Wëëmɛn ˗bha bhɛɛwo
(Psaume 4:1)
-
1. N Dë Zoova, a ˗bhɛɛ ü ˗dhɛ,
dɔ ˈˈgbɩɩ˗ ˈü n ˗takun.
ˈˈTʋ̈ŋ ˈbha ˗nu ˈka, man˗ ˈˈklʋʋbhɔdhe
˗kwɛɛ bun ˗sü ˗gbɔɔn n ˗ta.
˗Zotadhe yaa ˗nu ˗wo ˗sɔ n ˗ta,
ˈö n ˈgü ˗yö ga.
A ˗bhɛɛ ü ˗dhɛ n Dë, bhi ˈü ˗kë mɛn
˗zogbanmɛn ˈka.
(˗A ˈKUN ˗KƆ)
Zoova man˗ ˗Zlan, ˗bhö n ˗takun,
Kö ˗zoyödhe ˗yö kë n ˗gɔ.
꞊Faan nu n ˗dhɛ, ˗bhö n ˗zo ˗gban,
Kö zuʋ̈gblüdhi ˗yö kë n ˗gɔ.
-
2. ˈˈTʋ̈ŋ ˈbha ˗nu ˈka, n ˗zopiʋ̈wɔn
˗blɛɛ ü ˗dhɛ ˗sü ˗kë ˈˈgbɩɩ˗,
ˈÖ n ˗zotagüwɔn ˗nu ˗wo
zuʋ̈dhiʋ̈tɛ ˗ya n ˗bha.
ˈˈKɛɛ ü ˗wo ˈnën ꞊faan nu n ˗dhɛ
ˈö n ˗zo ˗gban ˗kplawo.
N ˗takun ˗a ˈka kö ˈa˗ yö
꞊dhɛ n ˗dhɔ ˗yö ü ˗kë.
(˗A ˈKUN ˗KƆ)
Zoova man˗ ˗Zlan, ˗bhö n ˗takun,
Kö ˗zoyödhe ˗yö kë n ˗gɔ.
꞊Faan nu n ˗dhɛ, ˗bhö n ˗zo ˗gban,
Kö zuʋ̈gblüdhi ˗yö kë n ˗gɔ.
(Kpɔɔˈˈ Ps. 42:6; 119:28; Wlɔ. 8:26; 2 Ko. 4:16; 1 Zn. 3:20 ˗bha.)
