SỌ́L EA GÃ́BUG DÚ 44
Tã̀àgã Ló Gbò E Bà Kil Kẽ
(Psalm 4:1)
-
1. M̀ túù nà bii bíi bẹẹ́ ní sĩ́ vaá bàn kọọ̀:
“Nvèè bá nèm.”
Nà nyíe tãagã boo kà tõ̀ò nu;
à tãagẽ nà didùm.
Bììla nyíe nè gbò nú e a man tó
zọ nà bùlà.
Sóo sóo Bàrì, ẹ̀b nà dìtõ̀ò;
m̀ gé ban o nvèè bá.
(GE KŨUNE MON ZÌGÀ)
Nvèè m kpóó ló; nèm o nvèè bá.
Naa kọ nà nyíe, á gá tã̀àgã̀.
M̀ túù nà bíi, bẹẹ ní kèsĩ́.
Jìhóvà nèm o nyómá káí.
-
2. Kpá Káí ólò nè kpóó bií ló
agẹ ló ge tõ̀òmà,
Kọ̀láá kà a bel dú kà kà
à kpõonà nà bùlà.
Naa kọ ḿ láá dẹlẹ nyíé boo
kọ̀láá kà o moǹ bel.
Dùùlà nà bùlà lọl kèbá
agẹ bá bẽgẽ bel.
(GE KŨUNE MON ZÌGÀ)
Nvèè m kpóó ló; nèm o nvèè bá.
Naa kọ nà nyíe, á gá tã̀àgã̀.
M̀ túù nà bíi, bẹẹ ní kèsĩ́.
Jìhóvà nèm o nyómá káí.
(Ẹ̀b nàgé Ps. 42:6; 119:28; Róm̀. 8:26; 2 Kọ́r. 4:16; 1 Jọ́ọ̀n 3:20.)
