ԵՐԳ 44
Վհատված մարդու աղոթք
-
1. Եհո՛վա Հայր, խնդրում եմ քեզ,
Աղոթքը իմ լսիր։
Հոգսեր ճնշող, վերքեր ցավոտ...
Ականջ դիր և օգնիր։
Ո՛վ Տեր, որքա՜ն տկար եմ ես,
Տխուր ու վհատված։
Վերցրու իմ բեռն, ինձ ամոքիր,
Աստվա՛ծ իմ ողորմած։
(ԿՐԿՆԵՐԳ)
Օգնիր՝ տոկամ, ինձ տուր ոգիդ՝
Ճամփին մնամ ես ճշմարիտ։
Հուսահատված դիմում եմ քեզ.
Եհո՛վա Հայր, դու ինձ կօգնես։
-
2. Երբ չեմ կարող անգամ խոսել,
Քո Խոսքն է զորացնում,
Զգացմունքը իմ հոգու խորքի
Խոսքով արտահայտում։
Խնդրում եմ քեզ, ինձ տուր հավատ
Ու մեծ վստահություն։
Քո սերը իմ սրտից է մեծ.
Ի՜նչ հույս է ներշնչում։
(ԿՐԿՆԵՐԳ)
Օգնիր՝ տոկամ, ինձ տուր ոգիդ՝
Ճամփին մնամ ես ճշմարիտ։
Հուսահատված դիմում եմ քեզ.
Եհո՛վա Հայր, դու ինձ կօգնես։
(Տես նաև Սաղ. 42։6; 119։28; Հռոմ. 8։26; 2 Կորնթ. 4։16; 1 Հովհ. 3։20)
