SÖNGUR 44
Bæn hins bágstadda
-
1. Guð Jehóva, ég bið til þín,
æ, heyr mitt bænaróp.
Því hyldjúp sárin gróa seint
sem lífsins ok mér skóp.
Tíð vonbrigði og depurð hafa dregið
mátt úr mér.
Ó, Drottinn minn, Guð huggunar,
ég leita skjóls hjá þér.
(VIÐLAG)
Mig reistu við og veittu þrótt
og trausta von gegn efans sótt.
Ég ráðalaus þín leita nú.
Jehóva, gef mér kraft og trú.
-
2. Þitt orð mig ætíð huggar og
mér hæli veitir það,
mál hjartans tjáir, kennd sem ég
kem ekki orðum að.
Með orði þínu trúarstyrk og
traustið gefðu mér,
að treysta því að ást þín meiri
hjarta mínu er.
(VIÐLAG)
Mig reistu við og veittu þrótt
og trausta von gegn efans sótt.
Ég ráðalaus þín leita nú.
Jehóva, gef mér kraft og trú.
(Sjá einnig Sálm 42:7; 119:28; Rómv. 8:26; 2. Kor. 4:16; 1. Jóh. 3:20.)
