EKYESHONGORO 44
Okushaba kw’Omuntu Ohwairemu Amaani
-
1. Yehova Ruhanga ninkushaba nti:
“Mpurira.”
Nyine obusaasi bwingi;
tiburikwemerwa.
Ebiteekateeko bimburize
obusingye.
Omuhangi, mpuumuriza;
ninkweshengyereza.
(KORASI)
Ninkushaba; onyimutsye.
Kandi mpwera, ngume mpami.
Omu naku, ninkushaba.
Omuhangi, mpa amaani.
-
2. Ekigambo kyawe nikyo
buhungiro bwangye,
Kirimu enyehurira
eziri nk’ezangye.
Mbwenu ompwere Yehova
ngume niinkwesiga.
Niinkimanya ngu nookira
omutima gwangye.
(KORASI)
Ninkushaba; onyimutsye.
Kandi mpwera, ngume mpami.
Omu naku, ninkushaba.
Omuhangi, mpa amaani.
(Reeba na Zab. 42:6; 119:28; Rom. 8:26; 2 Kor. 4:16; 1 Yoh. 3:20.)
