KʼAAY 44
U kʼáat óolal máax lubaʼan u yóol
-
1. Teʼ kʼiinaʼ táan in kʼáatiktech
ka⁀a wuʼuyeniʼ, Jéeoba.
Jach táaj nojoch in muʼyajil,
mu béeytal in kuchik.
Teneʼ lubaʼan in wóol,
tsʼoʼoleʼ kin wuʼuyik naʼan in muukʼ.
Jach áanten, líiʼs in wóoliʼ.
Ma pʼatken, Kiʼichkelem Yuum.
(CORO)
Lubaʼan in wóol, táan in kaxkech.
Kanáanteniʼ, ma pʼatiken.
Jach áanteniʼ, ma náachtalten.
Beet u yantal in muukʼ, Jéeoba.
-
2. A Tʼaaneʼ jach ku yáantken
kéen in wuʼuy lubaʼan in wóol.
Ku yeʼesik xan tiʼ teech
bukaʼaj yajil in muʼyajil.
Kin kʼáatiktech a wáantaj
tiaʼal u muʼukʼaʼantal in fe.
Jach áanten utiaʼal in wilik
bukaʼaj a yaabiltmen.
(CORO)
Lubaʼan in wóol, táan in kaxkech.
Kanáanteniʼ, ma pʼatiken.
Jach áanteniʼ, ma náachtalten.
Beet u yantal in muukʼ, Jéeoba.
(Ilaʼak xan Sal. 42:6; 119:28; Rom. 8:26; 2 Cor. 4:16; 1 Juan 3:20.)
