AMBAHANON 45
Ang Ginapamalandungan sang Akon Tagipusuon
-
1. Ang ginapamalandungan
Sang akon tagipusuon
O Dios imo kahamut-an,
Kag sa akon magpalig-on.
Kon may ginakabalak-an
Kag indi na mapahamtang,
Akon nga pamalandungan
Matarong nga mga butang.
-
2. Mga butang nga dungganon,
Putli kag hiligugmaon,
Nagahatag sing kalinong
Sa akon tagipusuon.
Imo nga panghunahuna
Nga tuman gid ka bilidhon,
Akon nga pamalandungan;
Pirme ko gid panumdumon.
(Tan-awa man ang Sal. 49:3; 63:6; 139:17, 23; Fil. 4:7, 8; 1 Tim. 4:15.)