KANTIK 45
Meditasyon mwen fè nan kè m
-
1. O Jewova, mwen ta renmen
Pou refleksyon m’ap fè nan kè’m
Toujou fè kè’w kontan, Seyè,
E pou’l ede mwen kenbe fèm.
Lè enkyetid vle anvayi’m,
E lè yo anpeche’m dòmi,
Se sou ou mwen vle medite,
E sou tout sa k’ap fè’w plezi.
-
2. Mwen vle pran tan pou’m medite
Sou tout sa ki bon e ki vrè,
Sou tout sa ki pwòp e ki sen.
Panse konsa ap fè’m anpè.
Panse’w yo twòp pou’m konte yo,
Se pa ti bon yo bon pou mwen!
M’ap medite sou pawòl ou,
Yo nan lespri’m tout lajounen.
(Gade tou Sòm 49:3; 63:6; 139:17, 23; Flp. 4:7, 8; 1 Tim. 4:15.)