ਗੀਤ 45
ਮੇਰੇ ਮਨ ਦੇ ਖ਼ਿਆਲ
-
1. ਯਹੋਵਾਹ, ਤੂੰ ਮੇਰਾ ਹਮਰਾਜ਼
ਤੈਨੂੰ ਹਰ ਪਲ ਮੈਂ ਯਾਦ ਕਰਾਂ
ਦੇਵਾਂ ਤੇਰੇ ਦਿਲ ਨੂੰ ਖ਼ੁਸ਼ੀ
ਤੇਰੇ ਨੈਣਾਂ ਦਾ ਨੂਰ ਬਣਾਂ
ਰਾਤੀਂ ਆਵੇ ਨਾ ਮੈਨੂੰ ਨੀਂਦ
ਸੋਚਾਂ ਦੀ ਕੈਦ ਕਰੇ ਬੇਚੈਨ
ਲਾਵਾਂ ਮੈਂ ਤੇਰੇ ʼਤੇ ਧਿਆਨ
ਯਹੋਵਾਹ ਦਿਲ ਨੂੰ ਦੇਵੇ ਚੈਨ
-
2. ਉੱਚੇ-ਸੁੱਚੇ ਤੇਰੇ ਅਲਫ਼ਾਜ਼
ਕਿੰਨੇ ਸੋਹਣੇ ਤੇਰੇ ਵਿਚਾਰ
ਪਾਣੀ ਨਦੀ ਦਾ ਜਿਵੇਂ ਸ਼ਾਂਤ
ਦੇਵਣ ਸਕੂਨ, ਮਿਲੇ ਆਰਾਮ
ਬੁੱਧ ਤੇਰੀ ਦੀ ਨਾ ਕੋਈ ਥਾਹ
ਹੋਵੇ ਲਫ਼ਜ਼ਾਂ ਵਿਚ ਨਾ ਬਿਆਨ
ਤੇਰੀ ਬਾਣੀ ਦਿਲ ਦੇ ਨੇੜੇ
ਸਦਾ ਲਾਵਾਂ ਇਸ ʼਤੇ ਨਿਗਾਹ
(ਜ਼ਬੂ. 49:3; 63:6; 139:17, 23; ਫ਼ਿਲਿ. 4:7, 8; 1 ਤਿਮੋ. 4:15 ਵੀ ਦੇਖੋ।)
