AJMÚÚ 45
“Dí nandxa̱ʼwa̱mínáʼ náa a̱jkiu̱nʼ”
(Salmo 19:14)
-
1. Nambáʼtoo a̱jkiu̱nʼ mu ikháán
ma̱ta̱ya̱a̱ dí rígá ikhí.
Ma̱ngaa nandoʼ manimbánuu
rí nandaaʼ ikháán, oh, Jeobá.
Nguáná asndu tsíyoo gígú,
phú naxmiéjunʼ eʼni xkujndu
numuu rí na̱nguá xtáá gagi,
mú nagúʼdoo fe náa ikháán.
-
2. Náa ku̱ma̱ ndrígóʼ marigá
rí phú májánʼ ga̱jma̱a̱ rí jmbu,
magúʼdoo má xúʼko̱ ngajua
mu ma̱ndoo maxtáá phú tsímáá.
Xúgíʼ ku̱ma̱ ndrígáʼ, Jeobá,
¡májánʼ ga̱jma̱a̱ mitsaanʼ nindxu̱u̱!
Náa a̱jkiu̱nʼ gíʼmaa marigá
xúgíʼ rí na̱ʼkha̱ náa ikháán.
(Atayáá ma̱ngaa Sal. 49:3; 63:6; 139:17, 23; Filip. 4:7, 8; 1 Tim. 4:15).
