RWĨMBO NA. 46
Nĩ Ngatho Jehova
-
1. Nĩ ngatho Jehova Ngai nĩ tondũ
wa ũtheri ũrĩa ũtũheete.
Nĩ ngatho nĩ gũtũthikagĩrĩria,
rĩrĩa twakũhoya twĩ na thĩna.
-
2. Nĩ ngatho Ngai tondũ wa Mũrũguo,
atooririe thĩ e na wĩtĩkio.
Nĩ ngatho Jehova nĩ gũtũruta,
tũkahota kũhingia mĩĩhĩtwa.
-
3. Nĩ ngatho Ngai nĩ gũtũhe mweke
wa kũhunjagia ũhoro wa ma.
Nĩ ngatho nĩ ũkeeheria mathĩna,
irathimo ciaku tũkenere.
(Ningĩ rora Thab. 50:14; 95:2; 147:7; Kol. 3:15.)