گیت نمبر 46
ہم تیرے شکرگزار ہیں!
(1-تھسلُنیکیوں 5:18)
-
1. ہم شکرگزار ہیں یہوواہ تیرے
اُجالا ہوا تیری روشنی سے
دُعا کا خاص شرف تُو نے کِیا عطا
تُو سنتا ہے ہر شخص کی اِلتجا
-
2. ہم شکرگزار ہیں کہ تُو نے دیا
مسیح جو ہر دم وفادار رہا
مثال اُس نے چھوڑی ہمارے لیے
کہ ہم بھی رہیں وفادار تیرے
-
3. ہم شکرگزار ہیں کہ سونپا تُو نے
سچائی کی مُنادی کا کام ہمیں
احسان ہے تیرا کہ فردوس میں ہوگی
خوب صورت ہر بشر کی زندگی
(زبور 50:14؛ 95:2؛ 147:7؛ کُل 3:15 کو بھی دیکھیں۔)