1. E waan é kán e wun ase,

E nin e Si’n é nánti cɛn kwlaa.

Ye nga Ɲanmiɛn yo e’n ti dan,

Sran ng’ɔ nin i nanti’n ɔ ɲan wie!

Klolɛ su Ɲanmiɛn yoli naan

Y’a kwla tra i sa’n nun kpa.

I ti’n, e fa e wun mɛn i.

Zoova sin yɛ e jran ɔn.

2. Satan i blɛ kasiɛn nga nun’n,

Mɔ mɛn nga su kɔ i bue nuan yɛ’n,

Sran mun be tanndan e ɲrun kpa.

Ɔ maan srɛ’n i ti’n e kwla kpɔnzɔ.

Sanngɛ Zoova sasa e.

E klo kɛ é mɛ́ntɛn i,

Naan y’a kwla su i tititi.

Maan e klo i kpa lelele.

3. Srɛlɛ mɔ e kwla srɛ Ɲanmiɛn’n,

I wawɛ’n, i Ndɛ nga be klɛli’n,

Ɔ nin Klistfuɛ’m be asɔnun’n,

E si Ɲanmiɛn fa be uka e.

Sɛ e nin Zoova e nanti’n,

Ɔ́ yó maan é yó sa kpa.

Ɔ́ úka e naan y’a fɔnman,

E nin i é nánti cɛn kwlaa.