1. Ní ojoojúmọ́ ayé wa,

A ó máa fìrẹ̀lẹ̀ b’Ọ́lọ́run rìn.

Inú rere àìlẹ́tọ̀ọ́sí

Ló fún àwọn tó fẹ́ dọ̀rẹ́ rẹ̀.

Ìfẹ́ ló mú kó fún wa ní

Àǹfààní láti bá a rìn.

Bá a ṣe yara wa sí mímọ́,

Ká má fi Jèhófà sílẹ̀.

2. Lákòókò t’Èṣù ń bínú yìí,

Tí òpin sì ń yára sún mọ́lé,

À ń kojú inúnibíni

Tó lè fẹ́ mú ká juwọ́ sílẹ̀.

Àmọ́ Jáà máa ń dáàbò bò wá;

Ká má kúrò lọ́dọ̀ rẹ̀.

Ká fi gbogbo ọkàn wa sìn ín,

Ká jẹ́ adúróṣinṣin sí i.

3. Jèhófà máa ń fi Ọ̀rọ̀ rẹ̀

Àti ẹ̀mí rẹ̀ ràn wá lọ́wọ́.

Ó máa ń lo ìjọ Kristẹni,

Ó sì tún máa ń gbọ́ àdúrà wa.

Bí a ṣe ń bá Jèhófà rìn,

Yóò mú ká ṣohun tó tọ́.

Yóò mú ká lè dúró ṣinṣin,

Ká sì máa fìrẹ̀lẹ̀ bá a rìn.