HLA 51
Pathian Hnênah Kan Inpumpêk!
-
1. Kan Pa Jehova chuan min hruai Krista lam’an,
A zirtîr a hnungzui ni tûr’an;
Vân hmun ropui aṭangin,
Min pe thutak êng ropui;
Rinna kan nei thinlung’an,
Kan tiam a tân nung tûr’an.
(THUNAWN)
Pathian hnênah kan inpumpêk, Duh kan thlang ta,
Pathian leh Kristaah kan nei hlimna.
-
2. Kan tiam che Lalpa Jehova thu âwih tûrin,
Chatuan thlenga i rawngbâwl tûrin;
Tlukpui a nei lo hlimna,
Kan nei mi hriattîr duhna;
Lal Jehova hming kan puang,
Lalram thutak pawh kan puang.
(THUNAWN)
Pathian hnênah kan inpumpêk, Duh kan thlang ta,
Pathian leh Kristaah kan nei hlimna.
(Sâm 43:3; 107:22; Joh. 6:44 en bawk rawh.)
