1. Yahwe I ḇefrur roi nakam

Sup sansoren ine,

Inja supswan ma farsyos ya,

Fararur Ḇyenairi.

Knaref kenem I ḇeḇuk na,

Ma sifawi ḇeri

Ima isyus fa sisandik I

Ma sisyom monda ḇe I.

2. Yesus ḇyebaptis ro Yordan

’Nsa napnapes imnis.

Ikof’n ḇe Allah radine:

’Yafrur maris’n Bedi.’

Isasyar ro war yadori

Allah Yahwe ryem I,

Isoasuser isof ’pupes

’Frur Yahwe maris’n Ḇyena.

3. Nkorama ḇe Au sye, Yahwe,

Fa nkosandik snombri.

Kuk’r sne ḇerun, nkofamyun nko

Nkoḇuk ken’m nkoḇena.

Buk kwar Rumkun mandos Bedi,

Buk ḇaḇyak ḇekaki.

Nkomar nkokenem ḇe Au monda,

Faro mankun nko werḇa.