1. Jéeoba Dios, chéen teech u Yuumil

tuláakal yóokʼol kaab.

Ta tsʼáaj tiʼ toʼon tuláakal baʼal

tu yoʼolal yaabilaj.

Ta woʼolaleʼ, Dios, kuxaʼanoʼon,

ta síiajtoʼon kuxtal.

Le oʼolaleʼ jach ka náajmatik

k-sen yaabiltikech, Jéeoba.

2. Le ka okjaʼanaj Jesuseʼ

tu yaʼalaj tiʼ Jéeoba:

«Teneʼ yaan in wilik mantatsʼ

in beetik baʼax a kʼáat».

Ka tsʼoʼok yokjaʼ teʼ Jordanoʼ

kʼuch yéeybil tumen Dios.

Tu tsʼoʼokbesaj baʼax u kʼáat Jéeoba

tumen jach u yaabiltmaj.

3. Yéetel tuláaklin puksiʼikʼal

bejlaʼeʼ kin waʼaliktech:

«A tiaʼal, Jéeoba Dios, in kuxtal.

Táan in kʼubik tiʼ teech.

Yoʼolal u kʼiʼikʼel Jesuseʼ

ta boʼotaj in kuxtal,

le oʼolal in yaabiltmech, Jéeoba.

Yaan in meyajtkech mantatsʼ».