KWI 54
“Tshù manze li”
-
1. Taʼ nze fide be là,
A nze zʼo naʼ mfon nà.
A manze zʼo ziʼde,
Nze zʼa naʼ mbe fe léʼ,
Nze Yésu naʼ ndaʼdʼo
Ngelañ zʼo juʼ nzʼé là.
Tshù manze fide li,
Ntùm Ntshob Yaweh Nsi ndùb.
(DÙʼ NEBWÔGDE)
Tshù manze yôg matmat; Tshù manze li.
Bàm nemagde; Bàm nà nelo num nze!
Nze Nsi tshwèt ntsiañ o: Tshù manze li;
Kà lôde njam, nenùn, Tshù manze li.
-
2. Taʼ nze nkôni be là,
Kà bèn nediag dùʼ ghua.
Nze Nsi laʼde manze
Mbèn mfañ be diag i njen.
Nkôni mi bwô mbèn ndun;
Nkôni mi tsin, ndumde.
Tshù manze nkôni li;
Nke nkwag njoñ mfaʼ be fa.
(DÙʼ NEBWÔGDE)
Tshù manze yôg matmat; Tshù manze li.
Bàm nemagde; Bàm nà nelo num nze!
Nze Nsi tshwèt ntsiañ o: Tshù manze li;
Kà lôde njam, nenùn, Tshù manze li.
-
3. Taʼ nze yôg be bwe là,
Kà bèn nelôde njam.
Zebe Nsi fà nkaʼni:
Mbʼo ke tèt moʼ nze ghua,
Moʼ nze ghua num fide,
Moʼ nze ntùn num nkôni.
Manze yôg bʼa nzenni,
Be labte zebe Nsi.
(DÙʼ NEBWÔGDE)
Tshù manze yôg matmat; Tshù manze li.
Bàm nemagde; Bàm nà nelo num nze!
Nze Nsi tshwèt ntsiañ o: Tshù manze li;
Kà lôde njam, nenùn, Tshù manze li.
(Mbèn ndôde Yobk. 32:8; 139:24; Tànk. 6:23.)