KʼAAY 54
Xeen teʼ bejaʼ
-
1. Chéen junpʼéel bej ku taasik
kiʼimak óolal tech.
Jéeoba Dios nuʼuktech tiaʼal
a xíimbal teʼ bejaʼ.
Jesús xaneʼ tu kaʼansajtech
ka pʼáatkechiʼ
tumen ku beetik
a kuxtal ich jeetsʼelil.
(CORO)
Xeen teʼ bejaʼ. ¡Lelaʼ letiʼe bejaʼ!
Bik a pʼate, minaʼan uláakʼ beyaʼ.
Letiʼ kun tsʼáaiktech kuxtal mantatsʼ.
Ma sajaktal, jach maʼalob le bejaʼ.
-
2. Chéen junpʼéel bej ku kaʼansik
a weʼes yaabilaj.
Chéen u Tʼaan Dios ku yeʼesik
tuʼux yaan le bejaʼ.
Ku yáantkech xan a wil
u yaabilaj Jéeoba.
Ku yáantkech tiaʼal a beetik
baʼaxoʼob uts tu tʼaan.
(CORO)
Xeen teʼ bejaʼ. ¡Lelaʼ letiʼe bejaʼ!
Bik a pʼate, minaʼan uláakʼ beyaʼ.
Letiʼ kun tsʼáaiktech kuxtal mantatsʼ.
Ma sajaktal, jach maʼalob le bejaʼ.
-
3. Chéen junpʼéel bej ku tsʼáaik
tiʼ teech kuxtal mantatsʼ.
Mu tuʼubultech minaʼan
uláakʼ bej jeʼex lelaʼ.
Ku yáantkech xan tiaʼal
a kuxtal ich yaabilaj.
Ku tsʼáaiktech jeetsʼelil.
¡Ma náachtal tiʼe bejaʼ!
(CORO)
Xeen teʼ bejaʼ. ¡Lelaʼ letiʼe bejaʼ!
Bik a pʼate, minaʼan uláakʼ beyaʼ.
Letiʼ kun tsʼáaiktech kuxtal mantatsʼ.
Ma sajaktal, jach maʼalob le bejaʼ.
(Ilaʼak xan Sal. 32:8; 139:24; Pro. 6:23.)