MWIMBU 55
Ki mu Kale ni Wôma!
-
1. Suluke-nu mundu wami.
Boke-nu njimbu yami.
Ki mu kale ni woma.
Tangelenu o athu:
Mon’â Nzambi a mu undu,
wa kaye Dyabhu bhulu!
Dyabhu ka-nda nangenena.
A-nda mu sasujula.
(KOLO)
Ki mu kale ngó ni woma,
mukonda dya jinguma.
Nga-nda langa mundu wami,
kála o dyesu dyami.
-
2. Né ku moneka jinguma
ji mi kwatesa woma,
né se a mi nganala,
enu-phe, ki mu bhwile.
Ki mu kale ngó ni woma
wa izukutisu yâ.
Nga-nda ku mi langidila,
katé ku dizubhilu.
(KOLO)
Ki mu kale ngó ni woma,
mukonda dya jinguma.
Nga-nda langa mundu wami,
kála o dyesu dyami.
-
3. Ki mu fike nga mi jimbi.
Ngala bhu kaxi kenu.
Né mwene a mi jibha,
nga-nda mi fukununa.
Ki mu kale ngó ni woma.
Nga-nda mi fikidila.
Suluke-nu mundu wami,
mu tambule kikowe!
(KOLO)
Ki mu kale ngó ni woma,
mukonda dya jinguma.
Nga-nda langa mundu wami,
kála o dyesu dyami.
(Tanga we Mate. 32:10; Neh. 4:14; Jisá. 59:1; 83:2, 3.)
