MWIMBU 58
Sota o Athu a Wabhela o Kutululuka
-
1. Boka o njimbu ya tumu Jezú.
Mu ikoka, ni mu jinzo,
mwene wa bokel’o athu.
Suku ni mwanya, wa di bhakula
mu kusota o jimbudi
ja jimbidile.
Inzo ni nzo, jisanzala,
tu bokyenu njimbu yiyi:
O hadi yoso mu ngongo, ya-nda bhwa.
(KOLO)
Tu sotyenu
oso andala kubhuluka,
a mu sota
kutululuka kwa Jihova.
Tu suluke,
ki tu bhwile.
-
2. O dizubhilu dya zukama kyá.
Tu bokyenu ni lusolo,
tu kwatekese o athu.
O henda yetu, i tu swinisa
kwa tudila Mak’â Nzambi,
n’a tululuke.
Mu madyembu, twa-nda sota
woso u tu bhana mátwi.
A lenduka, a-nda ku tu xikina.
(KOLO)
Tu sotyenu
oso andala kubhuluka,
a mu sota
kutululuka kwa Jihova.
Tu suluke,
ki tu bhwile.
(Tanga we Iza. 52:7; Mat. 28:19, 20; Luka 8:1; Loma 10:10.)