YƖƖLL 58
Tõnd baooda sẽn nong-b laafɩ wã
(Luk 10:6)
-
1. A Zeezi yeela tõnd tɩ d moon koɛɛgã.
A kẽna nao baa ne wĩnd’gã,
n da gomd a Zeova yelle.
A sẽn da nong Wẽnnaam piisã yĩnga,
a ra moonda wĩntoogã yiib
n tɩ tãag a kõom.
Zagsã pʋsẽ, la soayã noy,
tõnd me baooda nebã buud fãa,
n yet-b tɩ namsgã fãa na n wa saame.
(REESGO)
Dũn’yã gill fãa,
tõnd baooda sẽn nong-b laafɩ wã.
Ween-vɩɩsã fãa,
tõnd gẽesda sẽn sɩd rat-b fãagrã.
Tõnd pa na n bak
ned baa yembre.
-
2. Koɛɛgã mooneg sɩd lebga tʋʋm-yãgdem.
Nebã vɩɩm bee yell pʋgẽ
tɩ d rat n sõng baa yaa nin-yende.
Tõnd sẽn nong nebã, la d sẽn moond koɛɛgã.
Sũ-sãang rãmbã paamda raood
la yolseg hakɩɩka.
Tẽn-bɛdẽ la tẽn-bõonsẽ fãa,
tõnd sã n seg ned sẽn nong Wẽnnaam,
kõta sũ-noog tɩ d rat n ket n wɩngdẽ.
(REESGO)
Dũnyã gill fãa,
tõnd baooda sẽn nong-b laafɩ wã.
Ween-vɩɩsã fãa,
tõnd gẽesda sẽn sɩd rat-b fãagrã.
Tõnd pa na n bak
ned baa yembre.
(Ges-y Eza. 52:7; Mat. 28:19, 20; Luk 8:1; Rom. 10:10.)
