LEET 58
Wie sieekjen dee, waut Fräd jleichen
-
1. Jesus befool ons: “Lot de Woarheit hier’n!”
Bie groote Hett, opp stofje Wäaj
deed Jesus aule Menschen lier’n.
Von Sonnenoppgank bat lot enne Nacht
socht hee no Schop, waut doa hier’n wull’n,
waut Jehova sajcht.
Opp Gaussen un von Hus to Hus
vetal wie jieda Maun un Fru
de Norecht von de scheene Tiet, waut boolt kjemt.
(KUA)
Wie sieekjen dee,
waut ierlich sent un Fräd noch jleichen.
Wie sieekjen dee,
waut Gott noch well nom Läwen leiden.
Jrintlich sieekj wie
opp jieda Städ.
-
2. Wie sieekjen wieda; boolt es daut too lot.
Million’de Läwes ston’ opp Spell;
Gott es daut om een’ jiedren schod.
Wiels wie dee leewen, go wie wada han.
Wie brinj’ dee Hopninj un Troost;
dee lier’n de Woarheit kjan’.
Wie sieekjen goot en Staut un Launt,
un hieet sikj daut wäm intressaunt,
dan frei wie ons un sieekjen wieda voll Moot.
(KUA)
Wie sieekjen dee,
waut ierlich sent un Fräd noch jleichen.
Wie sieekjen dee,
waut Gott noch well nom Läwen leiden.
Jrintlich sieekj wie
opp jieda Städ.
(See uk Jes. 52:7; Mat. 28:19-20; Luk. 8:1; Reem. 10:10.)
