1. Lèèlà-i Jáà;

Õ-á ẽ zaa!

À dem gbò nen, biíló kọ̀láá kà nù.

Ọlí sọ́l nèe,

Kãagẽ A bée;

À tú A kpóó naamá kọ̀láá kà nu.

È zaàva ló A vulè kọ̀láá dee.

2. Lèèlà-i Jáà;

Boo béè A tóm.

À náa kọ̀láá kà lé nu e bĩ́ìnà.

Naa nii é vee

Gbò A lé tóm.

À ólò nè A nyómá pá A gbò,

Ge nvèèmà bá nè va tṍó e bà ọọ.

3. Lèèlà-i Jáà;

Bàrì dú lé.

À ólò mm-mè nú e a zigà.

A bèèla bel;

É kyãa boo kúu.

A Boǹ Méné é lọl tã̀àgã̀ gbò nen.

È túù ẹ́ẹ́ nyíe nè zààvà fã̀àmà ẽ!