ഗീതം 59
എന്നോടൊപ്പം യാഹിനെ സ്‌തുതിപ്പിൻ!
-
1. വാഴ്‌ത്താമൊന്നായ്‌
നാം യാഹിനെ.
ഏകുന്നു താൻ ജീവൻ സമ്മാനമായ്‌.
നാം രാപ്പകൽ
പോയ്‌ ഘോഷിക്കാം,
തൻ സ്‌നേഹത്തെ, തൻ മഹാശക്തിയെ.
നാം ദൈവത്തെ സ്‌നേഹിക്കാം, വാഴ്‌ത്തിടാം.
-
2. വാഴ്‌ത്താമൊന്നായ്‌
നാം യാഹിനെ.
കേൾക്കുന്നു താൻ നമ്മൾ കേണീടുമ്പോൾ.
ആശങ്കയിൽ
താങ്ങായ്‌ സദാ,
ആത്മാവിനാൽ കാവലേകീടുന്നു.
നാം വാഴ്‌ത്തിടാം ദൈവത്തിൻ നാമത്തെ.
-
3. വാഴ്‌ത്താമൊന്നായ്‌
നാം യാഹിനെ.
താൻ നീതിയാൽ നീക്കും അന്യായങ്ങൾ.
ആശ്വാസവും
ആനന്ദവും
ഏകുന്നിതാ ദൈവം തൻ പ്രിയർക്കായ്‌.
വാഴ്‌ത്താം നമ്മൾ തീക്ഷ്‌ണമായ്‌ ദൈവത്തെ.
(സങ്കീ. 94:18, 19; 145:21; 147:1; 150:2; പ്രവൃ. 17:25 കൂടെ കാണുക.)
