GIĽI 59
Giľav manca le Jehovaske
(Žalm 146:2)
-
1) Av, ašaras
le Jehovas,
hoj sako ďives šaj upre ušťas!
Presikaďa
zoralo vast,
stvorinďa kamibnaha, so dikhas.
Leskero baro nav – av, ašaras!
-
2) Manca giľav
le Devleske,
savo hin lačho ke sakoneste.
Te les manges,
so kampel, del,
peskere duchoha tut ľikerel.
Sar mište hin leske te giľavel!
-
3) Giľi tut dav,
tut ašarav,
bo tu man ňigda na omukheha!
Lačhipnaha
pherareha
caľi phuv, the man furt žehňineha.
Furt giľavava tuke Jehova!
(Dikh mek Žalm 94:18, 19; 145:21; 147:1; 150:2; Sk. 17:25.)