SINGSING 61
Kirap, Yupela Witnes!
-
1. Nau em i las taim yumi mas sanap strong,
Ol lain bilong God mas autim gutpela tok.
Tru Satan i birua long ol.
Tasol strong bilong God em i stap long ol.
(SINGSING GEN)
Kirap, yupela Witnes, sanap strong tasol!
Stap belgut long wok, God i givim yupela!
Go tokim ol man, Paradais i klostu nau
Na God bai givim blesing long ol man.
-
2. Wokman blong Ja i no les long wok blong en;
Na yumi no laik amamasim man blong graun.
Ol wok bilong graun yumi sakim,
Yumi strong long stap gut long God Jehova.
(SINGSING GEN)
Kirap, yupela Witnes, sanap strong tasol!
Stap belgut long wok, God i givim yupela!
Go tokim ol man, Paradais i klostu nau
Na God bai givim blesing long ol man.
-
3. Ol man i tok bilas long Kingdom Blong God;
Ol i toknogutim nem holi bilong em.
Yumi mas stretim nem bilong em,
Na autim long olgeta lain manmeri.
(SINGSING GEN)
Kirap, yupela Witnes, sanap strong tasol!
Stap belgut long wok, God i givim yupela!
Go tokim ol man, Paradais i klostu nau
Na God bai givim blesing long ol man.
(Lukim tu Kis. 9:16; Fili. 1:7; 2 Tim. 2:3, 4; Jems 1:27.)
