PIREKUA 61
¡Ju je aianhpini!
-
1. Diosïri marhuaricha no chérakuarhisïndi,
aianhpinksï nirasïndi interu parhakpini ísï.
Ka Noambakiti uéksïndi kʼamajkuani.
Asï jurajku eska ima andapiti uéraaka.
(KORU)
¡Ju aianhpini balori jingoni! Juia no sáni chéni.
Uandantanchi niuaka eska juuakia paraisu.
Jimachi sési irekaaka, uarhikua nóteru jauati.
Ju aianhpini i ambe iámu parhakpini.
-
2. Méntkisïchi uéksïnga Jeobani jingoni jarhani.
Nochi uéksïnga amigueni parhakpinini jingoni.
Asï méni jáma no sési ambe niátani.
Ju tekaantani ambe uéjkichi nitamani.
(KORU)
¡Ju aianhpini balori jingoni! Juia no sáni chéni.
Uandantanchi niuaka eska juuakia paraisu.
Jimachi sési irekaaka, uarhikua nóteru jauati.
Ju aianhpini i ambe iámu parhakpini.
-
3. Uánikuaksï uéksïndi teresmarhuni Jeobani,
imeri nombrinksï kánikua no sési jájkuxati.
Niuakachi iápurisï aianhpini
eska Jeobajkusï jukanchaka para juramuni.
(KORU)
¡Ju aianhpini balori jingoni! Juia no sáni chéni.
Uandantanchi niuaka eska juuakia paraisu.
Jimachi sési irekaaka, uarhikua nóteru jauati.
Ju aianhpini i ambe iámu parhakpini.
(Ístu exe je Éx. 9:16; Filip. 1:7; 2 Tim. 2:3, 4; Sant. 1:27).