JUE 63
E ti Zoova i Lalofuɛ!
-
1. Sran mun be sɔ amuin mun,
Sanngɛ be si’a Zoova.
Ɔ kleli titi kɛ
Ɔ ti Ɲanmiɛn Kpli.
Amuin wie fi kwlá siman
E ɲrun lɔ sa ng’ɔ́ wá jú’n.
Amuin’m be kunndɛ lalofuɛ ngbɛn,
Afin sran fi su su’a be su.
(I SU SƆLƐ)
E ti Zoova Lalofuɛ.
E bo jasin’n yakpa su.
E Ɲanmiɛn liɛ’n ɔ ti nanwlɛfuɛ.
I ndɛ ng’ɔ kan’n ɔ kpɛn su.
-
2. E manman Ɲanmiɛn dunman’n,
E kɛn i aɲrunɲan’n ndɛ.
E bo Sielɛ jasin’n,
E kɛn juejue su.
E kle sran mun ndɛ nanwlɛ’n
Naan be ɲan be ti mlɔnmlɔn.
Kɛ bé kɔ́ be ɲrun’n, be nin e ngba
Bé tó jue fá mánmán Zoova.
(I SU SƆLƐ)
E ti Zoova Lalofuɛ.
E bo jasin’n yakpa su.
E Ɲanmiɛn liɛ’n ɔ ti nanwlɛfuɛ.
I ndɛ ng’ɔ kan’n ɔ kpɛn su.
-
3. Kɛ e bo Ɲanmiɛn jasin’n,
I dunman’n ɔ yo sanwun.
Ɲanmiɛn wun sacifuɛ’n,
E wla i su nun.
Sran nga ɔ kaci i nzuɛn’n,
Ɔ yaci i tɛ’n cɛ i.
Ɲanmiɛn sulɛ kpa’n man aklunjuɛ,
Ɔ nin nguan m’ɔ le’a awieliɛ’n.
(I SU SƆLƐ)
E ti Zoova Lalofuɛ.
E bo jasin’n yakpa su.
E Ɲanmiɛn liɛ’n ɔ ti nanwlɛfuɛ.
I ndɛ ng’ɔ kan’n ɔ kpɛn su.
(Nian Eza. 37:19; 55:11; Eze. 3:19 nun.)
