ZAJ NKAUJ 63
Peb Yog Yehauvas Cov Timkhawv!
(Yaxaya 43:10-12)
-
1. Neeg muab zeb ntoo txua vajtswv,
Tus tseem Vajtswv lawv tsis hwm.
Nws yog Vajtswv loj kawg,
Li nws tau qhia tawm.
Lwm cov vajtswv yeej tsis pom
Tej tom ntej uas yuav tshwm los.
Tsis muaj ib tug timkhawv qhuas lawv li,
Vim lawv tsis muaj hwjchim dabtsi.
(TXAIS)
Peb yog Yehauvas Timkhawv.
Peb yeej tsis ntshai mus tshaj tawm.
Peb tus Vajtswv yog tus qhia qhov tseeb;
Tej nws tau hais yeej yuav xeeb.
-
2. Peb zoo siab tshaj Vajtswv npe,
Qhuas nws lub koob meej tsis tseg.
Peb ua siab tawv qhawv tshaj
Vajtswv lub Nceeg Vaj.
Xwv lwm tus thiaj hnov thiab pom
Qhov tseeb uas tso lawv dim hlo.
Lawv yuav los ntseeg, nrog peb ua ib pab,
Tsa suab hu nkauj qhuas Yehauvas.
(TXAIS)
Peb yog Yehauvas Timkhawv.
Peb yeej tsis ntshai mus tshaj tawm.
Peb tus Vajtswv yog tus qhia qhov tseeb;
Tej nws tau hais yeej yuav xeeb.
-
3. Tshaj kom Vajtswv npe nto moo,
Txhawb nqa Vajtswv npe kom zoo.
Thiab faj seeb rau cov phem,
Uas thuam Tswv lub npe.
Lub txim zam tau rau tibneeg,
Yog Vajtswv lawv tig los ntseeg.
Tshaj Vajtswv lus tau kev kaj siab lug
Thiab txojsia uas tsis txawj ploj mus.
(TXAIS)
Peb yog Yehauvas Timkhawv.
Peb yeej tsis ntshai mus tshaj tawm.
Peb tus Vajtswv yog tus qhia qhov tseeb;
Tej nws tau hais yeej yuav xeeb.
(Rho ntawm Yxy. 37:19; 55:11; Exkh. 3:19.)
