KÁNTIKU 63
Nos é Tistimunhas di Jeová!
(Isaías 43:10-12 )
-
1. Na ninhun lugar ka sta
Deus más grandi ki Jeová.
Kuzas di futuru,
Sô el ki ta fla.
Kes deus falsu sen valor,
Ómis faze ku ses mô.
Nos Deus é fórti, el ten puder,
Sima Jeová es ka ta ser!
(KORU)
Tistimunhas di Jeová,
Nómi sábi ki Deus da!
Se bons promésa, el ta kunpri-s.
Nos é se povu filís.
-
2. Nu ta prega ku amor,
Pa nu da Jeová lovor.
Leba kel mensaji
Di nos Kriador.
Nu krê djuda tudu‿algen
Ser amigu d’el tanbê.
S’es konxe Deus, es ta ben ku nos,
Kanta pa el ku fórti vós:
(KORU)
Tistimunhas di Jeová,
Nómi sábi ki Deus da!
Se bons promésa, el ta kunpri-s.
Nos é se povu filís.
-
3. É un ónra ser di sel,
Ku koraji difende-l,
Djuda gentis muda
P’es ten fé na el.
Deus ta púrdua kes algen
Ki rapende‿i ben tanbê
Pa adora-l i vive na pas,
Ki ka ta kaba nunka más.
(KORU)
Tistimunhas di Jeová,
Nómi sábi ki Deus da!
Se bons promésa, el ta kunpri-s.
Nos é se povu filís.
(Odja tanbê Isa. 37:19; 55:11; Eze. 3:19.)
