YƖƖLL 63
Tõnd yaa a Zeova Kaset rãmba!
-
1. Nebã pʋʋsda wẽn-faado.
Bãmb sɩd ka mi a Zeova ye.
A wilgda ne a tʋʋmã,
t’a pa tar to ye.
Bõn-naandsã ka tõe n bãnge,
bũmb nins sẽn wat beoogã ye.
Ned kae sẽn tõe n gom n sõng-b ye.
Bala bãmb fãa yaa wẽn-faado.
(REESGO)
A Zeova la tõnd Wẽnnaam.
Tõnd yaa yẽ Kaset rãmba.
Tõnd Wẽnnaamã goamã yaa sɩda.
A sẽn yeel fãa yɩtame.
-
2. Tõnd moonda Wẽnnaam yʋʋrã,
la d gomd a ziirã yelle.
Yaa ne raood la yẽesem
la d moond koe-noogã.
Tõnd zãmsda nebã Biiblã,
n dat tɩ b ninã puki.
B tẽebã pãngã na n paasame,
tɩ b yɩɩl n pẽg sɩd Wẽnnaamã.
(REESGO)
A Zeova la tõnd Wẽnnaam.
Tõnd yaa yẽ Kaset rãmba.
Tõnd Wẽnnaamã goamã yaa sɩda.
A sẽn yeel fãa yɩtame.
-
3. Koɛɛgã mooneg kɩtdame
tɩ Wẽnnaam yʋʋr paam waoogre.
D keoogda neb nins fãa
sẽn sãamd a yʋʋrã.
Sẽn dat-bã tõe n teka yam,
n paam a Zeova sugri.
Wẽn-sakdbã paamda sũ-noogo,
la b na n wa paam vɩɩm sẽn kõn sa.
(REESGO)
A Zeova la tõnd Wẽnnaam.
Tõnd yaa yẽ Kaset rãmba.
Tõnd Wẽnnaamã goamã yaa sɩda.
A sẽn yeel fãa yɩtame.
(Ges-y Eza. 37:19; 55:11; Eze. 3:19.)
