KʼAAY 63
U testigoʼon Jéeoba
-
1. Kex yaan beetbil diosoʼobeʼ
mix juntúul jeʼex Jéeobaeʼ.
Chéen letiʼ ku yeʼesik
jach yaʼab páajtalil.
Le maʼ jaajil diosoʼoboʼ
maʼ tu béeytal u yilkoʼob
le baʼaxoʼob ku yilik Jéeobaoʼ.
Mix máak ku tʼaan tu yoʼolaloʼob.
(CORO)
K-aʼalik tiʼ le máakoʼoboʼ:
«¡U testigoʼon Jéeoba Dios!»
Ku béeykunsik le baʼax kiaʼalikoʼ.
Naʼan uláakʼ Dios jeʼex letiʼoʼ.
-
2. Tiʼ tuláakal yóokʼol kaab
yaan xan u yojéeltaʼaleʼ
jach minaʼan uláakʼ dios
jeʼel bix Jéeobaeʼ.
K-tsʼáaik k-óol k-áant tuláakal máak
taak u náatsʼal tu yiknal.
Toʼoneʼ yaan k-kʼaay junmúuchʼ yéeteloʼob
tiaʼal k-nojbeʼenkúunsik Jéeoba Dios.
(CORO)
K-aʼalik tiʼ le máakoʼoboʼ:
«¡U testigoʼon Jéeoba Dios!»
Ku béeykunsik le baʼax kiaʼalikoʼ.
Naʼan uláakʼ Dios jeʼex letiʼoʼ.
-
3. Le kéen jóoʼkoʼon kʼaʼaytajeʼ
k-tsʼáaik nojbeʼenil tiʼ Jéeoba.
Tak tiʼe máax kʼasaʼanoʼ
táan k-bisik u Tʼaan.
Wa ku kʼexku kuxtaleʼ,
Dioseʼ jeʼel u kʼamikeʼ.
Wa ku yilik xan u meyajtkeʼ,
jeʼel u kuxtal tiaʼal mantatsʼeʼ.
(CORO)
K-aʼalik tiʼ le máakoʼoboʼ:
«¡U testigoʼon Jéeoba Dios!»
Ku béeykunsik le baʼax kiaʼalikoʼ.
Naʼan uláakʼ Dios jeʼex letiʼoʼ.
(Ilaʼak xan Isa. 37:19; 55:11; Eze. 3:19.)