1. Ngelañ netshoʼ tshu yà seʼ nte nsi,

A bʼa taʼ fuʼ ndùb ghafaʼ Nsi.

Tshù nà là zʼa fôg mbèn nyit mbwe ben,

Be tshwèt nkù ntù nefaʼ ntùm bwe.

Bo Yésu, zʼa tshwèt mfà mfiʼ ndùb là,

Mbèn nke ntshagde seben faʼ là,

A tsiañde bèn mbe nkuʼni njoñ léʼ fa.

Neloʼ zebe bag ntùm nàfaʼ.

2. Nkôni mfà num Nsi boa ben nyiañtu

Tshwèt ntèn ben nenànde sènni.

Nsoñ mbwô nkùn mbèn ntswide ke bot mbu,

Nummbe njwèn njù ntùʼ nemi tse.

Tsiañde be tshwèt njuʼ bʼa taʼ mbotni,

Mbèn mbe ndaʼ Yaweh Nsi tshwèt mfà.

Bo bamntù tà nèn miagde bʼaʼ fènntù

Nefaʼ ku ntshùʼ bo Nsi mve tù.