1. Nú grøðin er búgvin at heysta,

ein framíhjárættur tað er,

at vit kunnu fara til verka

og fremja Guds vilja í gerð.

Í akrinum Jesus gekk undan,

hann sáddi so dygdargott sáð,

og grøðina heysta vit hugagóð,

vit vita, at Harrin er hjá.

2. Vit elska Jehova og næstan,

tí fara vit íðin av stað.

Og klárt er, at arbeiðið hastar,

vit hóma jú seinasta dag.

Sum samverkamenn hjá Jehova

vit gleðast um okkara lut

og bera tí áhaldin orðið út,

alt signar hin algóði Gud.