1. Qhov tseeb txog lub Nceeg Vaj tau muab npog los ntev lawm.

Nimno qhov tseeb txog tus Xeeb Ntxwv

tau muab qhia tawm.

Yehauvas muaj kev khuvleej thiab nyiam ua qhov ncaj,

Nws thiaj tau nrhiav kev los txhiv tibneeg zoo tsis tas.

Nws npaj tseg kom nws Leej Tub kav lub ntiajteb no.

Thaum txog Vajtswv lub sijhawm,

lub Nceeg Vaj tau sawv hlo.

Thiab Yehauvas npaj ib tug nyab rau nws Leej Tub,

Yog pab yaj tsawg uas nws tau xaiv tseg nto moo lug.

2. Txoj xov zoo uas peb tshaj no twb npaj ntev los lawm.

Yehauvas teem tseg rau lub caij no kom tshwm tawm.

Nws cov tubtxib saum ntuj zoo siab koom tes nrog peb,

Los pab peb tshaj qhov tseeb txog lub

Nceeg Vaj tsis tseg.

Niaj hnub no peb muaj txoj koob hmoov ua tes haujlwm

Txhawb kom nws lub npe dawb huv thiab

kom neeg los qhuas nws.

Peb zoo siab ua nws cov Timkhawv ris nws lub npe,

Thiab zoo siab hlo tshaj tawm txoj xov zoo no tsis tseg.