1. Segredu sobri Reinu, Deus mostra-nu el.

El pô-l ta fika klaru pa nu ntende-l.

Jeová Deus xinti péna di nos situason,

Pur isu‿el traze Reinu pa nos salvason.

El skodje Kristu pa ser Rei, ki é kapás

Di ben governa Téra‿interu

i traze pas.

Deus da se Fidju‿un noiva pa governa ku‿el,

K’é un ribanhu pikinoti, ki é fiel.

2. Notísias sábi sobri Reinu di Jeová

É kel verdadi ki el krê pa nu ba fla.

Se anjus sta ku nos pa faze pregason.

Es konxe kes algen ki ten bon korason.

Pa nu difende nómi santu di nos Pai,

Na óbra di inxina‿i prega

nu debe sai.

Ser Tistimunhas di se nómi‿i pâpia d’el

É priviléjiu grandi, nu ka merese-l.