1. Yɛl wʋseg ra solga Wẽnnaam Rĩungã wɛɛngẽ.

Masã tõnd bãnga Rĩm ning b sẽn da pʋlmã.

Wẽnnaam sẽn nong tɩrlem la a yaa nimbãan-zoetã,

a gesa a sẽn na n maan n sõng ãdem-biisã.

A yeelam’ t’a Biigã na n yɩɩ tẽngã Rĩma.

Wakatã wa n taame tɩ Wẽnnaam lugl a Rĩungã,

la a yãk neb sull sẽn na n yɩ a Biigã pʋg-paala.

Nin-kãens paama Wẽnnaam vʋʋsem sõngã zaeebo.

2. Yaa hal pĩnd la b bang tɩ koe-noog la b na n moone.

Masã la a Zeova rat tɩ tõnd moon koe-kãnga.

Malɛgsã naaga tõnd n tʋmd ne sũ-noogo,

n sõnged tõnd tɩ d moond Wẽnnaam Rĩungã koɛɛgã.

Tõnd segd n waooga Wẽnnaam yʋʋrã la d pẽg-a.

Ad woto yaa zu-zẽkr meng la tõnd sɩd paam-yã.

Tõnd paam n yaa a Kaset rãmb n zẽkd a yʋʋrã,

la d moond koe-noog sẽn ka sɛtã dũn’yã zĩig fãa.