1) Pro but berša has garudo o čačipen,

kaske o Jehovas dela o kraľipen.

Le Jehovaskro jilo bares dukhalas,

sar pre amaro trapišagos dikhelas.

Bare kamibnastar bičhaďas peskre Čhas,

so le kraľiske ačhiľas,

sar o Dad phenďas.

Jov leske paľis la terňa avri kidňas.

Pro cikno stados le duchos avri čhiďas.

2) Pre ajso lačho hiros but užarahas,

na garuvas les, savorenca vakeras.

Rado sam, hoj keras le Devleskri voľa,

hoj andre služba pomožinen aňjela.

Jon dodikhen pre amende, sar vakeras

pal Jehovaskro nav,

alebo sar zvestinas.

Pal aja lačhi vlada rado duma das,

o čačipen pal lačho hiros sikhľaras.